Copyright © 2008, 2009 Jérôme Guelfucci
Copyright © 2009 Sam Swift
Copyright © 2008, 2009. Leandro Regueiro (leandro.regueiro@gmail.com)
Permission is granted to copy, distribute and/or modify this document under the terms of the GNU Free Documentation License, Version 1.1 or any later version published by the Free Software Foundation; with no Invariant Sections, with no Front-Cover Texts, and with no Back-Cover Texts. The complete license text is available from the Free Software Foundation.
February 2009
Índice
Este aplicativo permítelle capturar toda a pantalla, a fiestra activa ou unha zona seleccionada. Pode definir o tempo de espera que transcorre antes de que se tome a captura de pantalla e a acción que se realizará ca captura de pantalla: gardala nun ficheiro PNG, copiala ao portarretallos, abrila usando outro aplicativo, ou aloxala en ZimageZ, un servizo de aloxamento de imaxes en liña gratuito.
Tamén hai un engadido para o panel de Xfce.
Para iniciar a aplicación use o elemento "Captura de pantalla" na categoría "Accesorios" do menú principal de Xfce.
Mostrarase esta fiestra:
A sección "Zona a capturar" permítelle definir de onde se vai tomar a captura de pantalla:
A sección "Capturar o punteiro do rato" permítelle definir se se inclúe na captura de pantalla o punteiro do rato:
A sección "Tempo de espera antes da captura" permítelle definir o tempo de espera que transcorrerá dende que se prema o botón "Aceptar" ata que se realice a captura de pantalla. Este tempo de espera permitiralle abrir menús ou facer calquera acción que desexe que se vexa na captura de pantalla.
Despois de premer no botón "Aceptar" háselle mostrar unha segunda fiestra:
A sección "Acción" permítelle escoller que se vai facer ca captura de pantalla.
A opción "Gardar" gardará a captura de pantalla nun ficheiro PNG. Mostrarase un diálogo para que poida seleccionar onde se vai gardar e o nome do ficheiro.
Xfce4 Screenshooter tamén ten a capacidade de gardar a captura de pantalla en calquera sistema de ficheiros remoto soportado por GVfs, como FTP, SAMBA, SFTP, ordenadores remotos accesibles mediante SSH... Só ten que conectarse a este sistema de ficheiros remoto usando gvfs-connect ou Gigolo e estará dispoñible na columna da esquerda do menú de gardar.
A opción "Copiar ao portarretallos" permítelle pegar a captura de pantalla noutra aplicación, por exemplo nun procesador de textos. Esta opción só está dispoñible cando se está executando un xestor de portarretallos.
A opción "Abrir con" garda a captura de pantalla no directorio temporal do sistema e ábrea co aplicativo seleccionado na lista despregable da dereita. Os aplicativos que soportan imaxes detéctanse automaticamente e engádense á lista despregable.
A opción "Gardar en ZimageZ" permítelle gardar a súa captura de pantalla neste servizo de aloxamento en liña gratuíto, de forma que poida compartila facilmente con outra xente. ZimageZ xera automaticamente unha miniatura grande e outra pequena da súa captura de pantalla, as cales se poden usar para crear miniaturas que apunten á captura de pantalla a tamaño completo.
Despois de premer no botón "Aceptar" háselle mostrar este diálogo:
Se non ten un nome de usuario de ZimageZ, terá que crear un no sitio web de ZimageZ. Hai varios idiomas dispoñibles neste sitio web, e pode cambiar de idioma usando o menú na esquina superior dereita. Debe cubrir tódolos campos deste diálogo. Unha vez que prema no botón "Aceptar" comezará a suba do ficheiro.
O diálogo de embaixo proporciónalle ligazóns á captura de pantalla a tamaño completo, á miniatura grande e á pequena, así como exemplos de HTML e BBcode para crear unha miniatura que apunte á captura de pantalla a tamaño completo:
As opcións de liña de comandos permítenlle realizar capturas de pantalla rapidamente. Tamén lle permiten configurar a tecla Imprimir pantalla que está na parte superior dereita da maior parte dos teclados de xeito que realice capturas de pantalla. Para facer isto, configure as asociacións de teclas do seu ambiente de escritorio de forma que inicie xfce4-screenshooter con unha ou varias das seguintes opcións cando se prema a tecla Impr pant.
A opción -r permítelle seleccionar a zona que se vai capturar premendo nun punto da pantalla e sen soltar o botón do rato, arrastrando o punteiro ata a esquina oposta da zona, e soltando o botón do rato.
A opción -d seguida por un número enteiro positivo permítelle definir o tempo de espera antes de realizar a captura de pantalla cando se proporciona a opción -w, a opción -f ou a opción -r.
A opción -s seguida pola ruta dun cartafol existente permítelle definir onde se gardan as capturas de pantalla. Esta opción só ten efecto se proporciona a opción -w, a opción -f ou a opción -r.
Se se proporciona a opción -o, seguida por un nome de aplicativo, a captura de pantalla gardarase no directorio temporal do sistema e abrirase co aplicativo cuxo nome se indicou despois da opción -o. Esta opción só ten efecto se se proporciona a opción a opción -w, -f ou a opción -r.
Para engadir o engadido ao panel, prema co botón dereito e seleccione "Engadir novo elemento". Seleccione o engadido chamado "Captura de pantalla", e engádao.
Pode configurar como se realizan as capturas de pantalla premendo co botón dereito no engadido e seleccionando "Propiedades". Aparecerá un diálogo de preferencias semellante ao diálogo da aplicación principal. Bótelle unha ollada ao texto anterior para coñecer as diferentes preferencias.